“GENERASI KORUPSI”

“GENERASI KORUPSI”

Mun ieu lemah jaga katarajang caah

Mo’hariwang najan cai muludag umpalan

Tinggal unggah kevilla si cakar mega

Gedong agung warisan ti nini moyang

Nanjer luhur pigantieun Borobudur

Di ponclot gedong ucang-ucang ngahaleuang

Nembangkeun lagu perang: hallo-hallo bandung

Ret kahandap nyeueung mayit nu paralid

Resep mulangkeun panineungan ka jaman budak

Sok pogot nenjo riabna runtah di musim ngijih

Mun geus bosen jeung cape hahaleuangan

Lalaunan turun ka tahap sawidak

Senang-senang ngaleng iprit orat pingping

Musik ngagembrung nyilep jeritna nu taratu

Jeung koceak umat nu keur sakarat di handap

Mun enya aya nu leuwih kawasa batan harta

Rek ngadu’a: ya maha kawasa! Geura tamplokkeun!

Seueurkeun dunya-barana nabi sulaeman

Ka kolot kula nu keur tandang ngedut harta

Sangkan ngagolontor warisan

Tug ka tujuh puluh turunan!

Share on Google Plus

About imam sahal

This is a short description in the author block about the author. You edit it by entering text in the "Biographical Info" field in the user admin panel.